LIBINGAN
Isang patag na kalupaan sa lilim ng kalangitan
Tila siyang dambana ng mga dakilang pinagmulan
Nalilibutan ng krus nitong mga katotohanan
Siyang himlayan ng mga panahong mga lumisan.
Libingan ang siyang ating huling hantungan
Ating huling daratnan sa dulo nitong buhay
Yaring ating babalikan sa na tila pinagmulan
Uugoy sa ating katawan tungo sa katahimikan.
Sa bawat pagtatapos ng buhay ay bagong simula
Ang bawat nilalang may babalik sa kalupaan
Ngunit bawat isa ay babalik sa buhay na laan
Upang muling simulan ang buhay ng nakaraan.
Ang ating libingang minsang diniligan ng luha
Minsang pinagluksaan at natapos sa kalungkutan
Ngunit sa kabila ng lahat ng mga bagay na ito
Mga bagong pag-asa ang siyang magsisimula.
Walang komento:
Mag-post ng isang Komento