HUWAD NA POON

May mata ngunit hindi nakakakita

May kamay ngunit hindi nakakahawak

Isang huwad na poon na siyang sinasamba

Nitong isang bayang na tila isang bulag sa katotohanan.

Minsan lumuluha ng dugo na isa daw himala

Makapagpapagaling ng anumang karamdaman

Dudumugin ng kabayanan

Lalasunin ang mga inosenteng isipan.

Ito ba’y isang sumpa? O silong lalang?

Dito sa ating bayang lubog na sa karimlan

Sa iba ito daw ay tama at dapat  pag-alayan

Sa iba nama’y ito daw ay mali at pagsuway

Sa banal kautosan ng ating Lumikhang naglalang.