MGA ALITAPTAP

Sa pagsapit ng hapon ang hangin ay humahalina

Mga puno sa kaparangan ay nagbibigay kalayaan

Mga ibong nag-aawitan at mga insektong nagsasayawan

Sa lawak ng kalangitan, mga bituin ay nagniningningan.

Ngayon sa pagsapit ng kinagabihan

Ako'y nagpasyang maglakad sa lawak ng bakuran

Sa kakahuyan dala'y lamig ng hanging yaman

Dito ako'y namangha sa aking nasumpungan.

Alitaptap! Alitaptap! Gulat ang siyang nausal ko

Sa itaas ng punong Akasya, Mangga at Bayabas

Mga kaygagandang sulo sa gitna ng karimlan

Silang nagsasayawan sa punong inaalayan...

Kay gagandang mga alaala

Mga alitaptap na sa isipan ay bumuhay

Sa mga nagdaang panahon ng aking kabataan

Nawa'y maulit pa ang dakilang naranasan.

Letras Y Figuras: Mga Inukit ng Kapalaran

www.saranggolablogawards.comLetras Y Figuras: Mga Inukit ng Kapalaran: Mga Inukit ng kapalaran Ni: Reggie Ibarreta Dito po sa amin sa bayang ipinagpala,  Ang mga tao’y salat namamatay sa luha; Hirap a...

Ulan

PAGHUPA NG ULAN

Sa gitna ng karimlang nagbabanta

Sinundan ng kulog at kidlat na nagluluksa

Sabay ng pagbuhos ng ulan sa kalupaan

Na nagbibigay buhay at sumisira sa likhang kalikasan.

Sa bawat patak at hambalos ng alon sa dagat

Malakas na hangin na umalimpuyo sa kagubatan

Takot na takot na mga hayop sa hamon ng kalikasan

Lahat naglalarawan sa buhay na makahulugan.

Ngayon sa paghupa ng ulan

Bagong mukha ng mundo ang mararatnan

Isang magandang umaga ang masasaksihan

At kalangiitang napapalamutian ng kapayapaan.

TULA

Titik at letrang pinanday sa katotohanan

Sa mga tulaang yaman nitong ating bayan

Pinalawak ang isipan sa bawat kinathaan

Tulang ang saliw ay magbigay ng kaaralan.

Umukit sa apoy sa nagliliyab na katauhan

Ninasang ilabas upang sa lahat ay ipaalam

Ang bawat misteryo ng buhay na hiram

Sa bawat yugto ng panahon na lumisan.

Lahing pinagmulan ating tulang inalayan

Buhay na nasakdal sa lilim ng tungalian

Hinalukay ang bawat silong ng kalangitan

Upang bawat karunungan ay mailarawan.

Ako'y isang manunula sa isang kaparangan

Nalilibutan ng mga kahoy a likas na yaman

Sa likhaang yaman na tulang kayamanan

tula na hinabi ng henerasyong inalagaan.

Obra De Mano

OBRA DE MANO

Ni Reggie Ibarreta

Sa malinis na kaisipan ng mga tagapagsanay

Sa mga kamay na bihasa't pinanday

Talino't galing buong pugay na winagayway

Buong mundoy namalas ang taglay na husay.

Kami ay Pilipino na sanay sa pagpapagal

Sa pagdungkal ng lupa, inalay ang buong buhay

Gamit ang aming kamay sa paghanapbuhay

Sa paggawa na hinangaan saan mang larangan.

Obra de mano at ang pinoy ay pinagpupugay

Sa mga likhaang sining kami ay hinahangaan

Bawat gawa ay pawis at dedikasyon ang pinuhunan

Handang maghirap upang pamilya ay matulungan.

Mula noon hanngang sa kasalukuyang panahon

Tayong mga  Pilipino ay natanyag saan man naroon

Sa mga nagpupunyaging kamay sa paggawa

Saan mang larangan obra de mano  sa paglikha.

Sumpain

Sumpain nawa ang Ngalan nyo!

Ni Reggie Ibarreta

Sa mga buwitreng nananahan sa ating pamahalaan

Nawa'y inyo sana itong mapakinggan

Ang mga pagsasamo nitong ating bayan

Sa mga kamay ninyong mapanglalang

Sumpain nawa ang ngalan nyo!

Mga bahay na naglalakihan at sasakyang nagmamahalan

Sa mga damit na kaykislap sa mga ginto't porselana

Sa bahay pamahalaan sila ang Hari at Reyna

Kami ay nananawagan sainyo

Sumpain nawa ang ngalan nyo!

Habang ang bayan ay hikahos sa kahirapan

Kayo naman ay nagpapasasa sa kayamanang kinamkam

Kung hindi uusigin ng mga may kapangyarihan

Hindi pa titigil sa modus na kinatabaan

Kami ay nananawagan sainyo

Sumpain nawa ang ngalan nyo!

Sainyong mga pakitang taong pulitiko

Nawa'y magpakatao

Sa gitna ng eleksyon panay pangako

Kapag luklok na! Lahat na napako...

Pasasa sa pagpapakabusog

Samantalang ang iba ay nagpapakapagod

Kami ay nananawagan sainyo

Sumpain nawa ang ngalan nyo!

Sainyong lahat!

Nawa'y magpakatao

Sumpain nawa ang ngalan nyo!

Blind Country

BLIND COUNTRY

By Reggie Ibarreta

My beloved country is on the states of whimpering

Wherein everything would become a prey of difficulties

In the matter of life and gasping

And from the afterglow of continuous crying.

Some says that we lived in a blind country

The country of pitiful and unending blindness

Whom becomes noted because of vicious killings.

I want to outcries my distress from you

Oh, My beloved country

because, we became the nest of all terrible birds of prey

Those that fearlessly succumb our vulnerable innocent livings.

Manunulat

ANG MANUNULAT

Ni Reggie Ibarreta

Sa paham na kaisipan na bunga ng karanasan

Bawat letrang itinala na hinog sa hasa

Disiplina at patas ang siyang panata

Sa bawat likhang sulatin na ikinatha.

Isang tanyag artista na bukas ang isipan

Sa karera ng buhay sa silo ni kamatayan

Mga takot at pangamba ay hindi alintana

Pagkat ang layon nila'y sa tuwid at  tama.

Ang mga manunulat ay isang dakilang likha

Nang ating bayang nasa silong ng karimlan

Pagbibigay boses sa hinaing ng ating lipunan

Sa mga suliraning tila wala ng kalunasan.

Pakiwari ng iba sila daw ay isang banta

Ngunit sa palagay ko ay mga nagakakmali sila

Pagkat ang manunulat ay siyang salamin at mata

Sa madilim na katotohanang inilihim sa madla.

Ang maging isang manunulat ay layuning dakila

Hahamakin ang bantang ang paa'y nasa hukay

Buong tapang na ipinakikita sa bawat madla

Ang lihim ng ating bayang  ibinaon na sa lupa.

Luha

LUHA

 Ni Reggie Ibarreta

Anong tamis ang ningning ng mga ngiti

Sa pumanglaw na mukha mong sawi

Isang tanong kung totoo ba? O hindi?

Mga luha saiyong matang nagkukubli.

Pilitin mang itago sabuhay mong sawi

Mga luhang samata'y namumutawi

Sa bawat paghamon ng buhay na kimi

Lumuha man ako, nais ikaw ang makapiling.

Sinta'y ano? Saiyo mahal naparaluman

Umibig ma't lumuha saiyo parin

Kumatha ng pagmamahal ikaw lalagi

Luha ng bawat pag-ibig sana'y pasaakin.

Lumuluha sa bawat tipak ng sandali

Hinahanap-hanap ang dati mong pag-ibig

Kung ako man ay  magnasang sumilip

Sa luha mong ang  sakit ay nagkukubli.