Ang Makata

ANG MAKATA

Ni Reggie Ibarreta

Akoy isang malayo dugong maharlika

Bunga sa katapangan ng lupaing malaya

Tinubuan ng mga bayaning bihasa sa digma

Handang iligtas ang bayan sa bingit ng tangka.

Ako'y isang makatang sumilang sa silangan

Pilipinas ang bansang siyang sinikatan

Lupain ng mga karunungan at kadakilaan

 Saan mang larangan inidolo at hinangaan.

Pilipino ang lahi ko at ako'y Pilipino

Lahi ng katapatan anuman ang nilakhan

Handang magtiis anumang dusa maranasan

Sa kabila ng kahirapan saya ang nagtatahan.

Ako'y isang makata sa lupaing katagalugan

Namalas ang buhay sa saya at kasawian

Minsan nagdildil ng asin upang tiyan malamnan

Isang makatang dilat sa karimlan nitong bayan.

Ako'y isang kayumanggi musa ng silangan

Sa perlas ng silangan siyang kinamulatan

Naging makata ng mga hinaing sa aking lipunan

Bukas ang isipan sa suliraning di na malulunasan.