Propeta

ANG PROPETA

Ni Reggie Ibarreta

Minsan ay nasa nating imulat ang ating mga mata

Sa ating mga nakikitang tila ba banta sa katotohanan

Nababalino na sa mga bagay na di natin inaasahan

Kung totoo ba? O hindi? Ang pinaniniwalaan.

Kung minsa'y dinidiktahan na ang daloy ng tadhana

Nitong mga propetang tila sila na ang gabay sa buhay

Mga pagtamang salita upang iwasan ang araw na sumpa

Sa bawat kamay ng taong ginuhitan na ang tadhana.

Tayo'y naging alila't napahinuhod sa magiliw na salita

Tila ba, turing nila sa sarili ay siya ang diyos na lumikha

Paniniwala nila sa sarili, sila daw ay nagbubuhos ng awa

Sa mga taong pinag-uusig ng mga maling mga gawa.

Sa mga hula nila'y pangyayaring takda lahat sa huli

Yaring natalastas ang mga araw na nasulat na

Ang mga kapalaran ng bawat tao sa kanyang pahinuha

Kahabag-habag kung minsan ang siyang nakikita.

Sila daw ay mga propetang pinagkalooban ng langit

Nangangakong mahigpit sa bawat salitang iguguhit

Minsan ay may kaunting pagsuway sa bawat naisin

 Sa katotohanan sila'y mga taong nagpapaka-diyos din.