Nais kong Lumuha

NAIS KONG LUMUHA

Nais kung lumuha kung kinakailangan

Ilabas ang hinanakit sa lipunang kinabililangan

Isang maralitang dahop hubad sa karunungan

Mamatay ng dilat yan ang huling hantungan.

Nais kong lumuha pagkat ako'y bilanggo

Sa mundo kong ito na puno ng panibugho

Nananalanging lahat ng suliranin ay maigupo

Sa buhay na lilo't mapag-udyok.

Nais kong lumuha pagkat ako'y bulag

Sa yaman at pusong kinakailangan

Upang ipagtanggol ang api't nangangailangan

Sa bayang dugo't pawis ang pinuhunan.

Aking Inang Mahal,Nais kong iluha

Ang sakit ng bayang nasang lampasan

Sa lahat ng kaganapang layang natunghayan

Sa lupang tinubuan sinuong ang karimlan.

Nais kong lumuha! Nais kong lumuha!

Sa mga karaingan ng ating bayan

Nananalig sa dilim ay may laging liwanag

Liwanag na papawi sa  silo ng karimlan.