Ito ang Lipunan Ko!

ITO ANG LIPUNAN KO!

Ni Reggie Ibarreta

Isa ito sa mga nakita ko

Karalitaan na sakit nitong bayan ko

Buhay mo tinumbasan ng salapi ko

Krimen at pagpaslang siyang batas ko.

Ito ang lipunang kinabibilangan ko

Lipunan ng lamok at lintang ganid sa dugo

Buhay pa ako sunog na ang kaluluwa ko

Pagmamalaking ito ang lipunang nabilang ako.

Ito ang lipunan ko at ito ay ako

Kakabit ng bituka ko ang buhay ko

Matira ang matatag yan ang sukatan ko

Sa lipunang ito ang mahina'y lumpo.

Ito ang lipunan ko

Lipunang pinatay na ng panahon

Sa kabila ng isang dipang kapalaran ko

Tatag ng sikmura ang laban ko.